پیش نظر کتاب ’’مولانا انگلش گرامر‘‘ دارالعلوم دیوبند کے شعبہ انگریزی زبان و ادب کے استاذ جناب مولانا عبدالحمید بستوی صاحب کی تصنیف ہے، جسے انھوں نے اپنے تدریسی تجربات کی روشنی میں مرتب کیا ہے۔ بندہ خود انگریزی زبان سے واقف نہیں ہے؛ اس لیے کتاب کے سلسلے میں براہ راست تاثر ظاہر نہیں کر سکتا، مگر کتاب کی ترتیب اور دیگر اہل زبان کے تاثرات سے محسوس ہوتا ہے کہ یہ کتاب انگریزی زبان سیکھنے اور اس زبان سے مناسبت پیدا کرنے میں معاون ثابت ہو گی۔ دعا ہے کہ اللہ تعالی اس خدمت کو قبول فرمايے اور طلبہ کے لیے کتاب کو نافع اور مفید بنايے۔ حضرت مفتی ابوالقاسم نعمانی صاحب دامت برکاتہم، مہتمم دارالعلوم دیوبند ’’مولانا انگلش گرامر‘‘ مصنف کی محنتوں کاثمرہ اور ان کے طویل تجربوں کا نچوڑ ہے جس میں انہوں نے انتہايی سہل اور منفرد انداز میں قواعد کو امثال سے سمجھانے کی کوشش کی ہے۔اس میں روزمرہ کی زندگی سے متعلق الفاظ و کلمات کا ایک ذخیرہ جمع کر دیاگیا ہے، جس سے عام بول چال میں تعاون ملے گا۔یہ کتاب اردو داں طبقہ ، خاص طور پر طلبہ مدارس اور غیراردو ماحول میں خدمات انجام دے رہے ايمہ، علماء اور سرکاری و غیرسرکاری پیشہ ور حضرات کے ليے یکساں مفید ثابت ہوگی۔ ان شاء اللہ مولانا محمد برہان الدین صاحب قاسمی ، ڈايریکٹر: مرکز المعارف ایجوکیشن اینڈ ریسرچ سینٹر مولانا عبدالحمید یوسف بستوی صاحب تحقیقی مزاج رکھنے والے عصر حاضر میں انگریزی زبان کے ارتقايی سفر سے بخوبی واقف جواں سال عالم دین ہیں۔انھوں نے ’’مولانا انگلش گرامر‘‘ کو اس انداز سے ترتیب دی ہے کہ طالبین قواعد و ضوابط سے بھی واقف ہو جايیں اور استعمال کے نشیب و فراز سے بھی مانوس ہوجايیں۔ اس کے ليے مصنف نے جہاں تعریفات کو عام فہم مثالوں سے سمجھایا ہے وہیں استعمالات کو عملی مشقوں کے ذریعے ذہن و دماغ میں بٹھانے کی کوشش کی ہے۔ مولانا مدثر احمد قاسمی، ڈايریکٹر : الغزالی انٹر نیشنل اسکول